Sa pamamagitan ng mga makabagong credit programs at capacity-building initiatives, patuloy na ginagabayan ng DA-ACPC ang mga magsasaka, mangingisda, at micro and small agri-entrepreneurs tungo sa sustainable livelihoods at financial resiliency. Kabilang dito ang mga programang nagbibigay ng madaling akses sa pautang, pagsasanay sa financial literacy, at suporta sa agri-fishery value chain development — mga hakbang na hindi lamang nagpapatatag sa kabuhayan ng mga benepisyaryo, kundi nag-aambag din sa pagbuo ng mas luntiang ekonomiya sa kanayunan.
Tinanggap ni DA-ACPC Executive Director Rallen O. Verdadero ang parangal sa ngalan ng ahensya, bilang patunay sa patuloy na adbokasiya ng DA-ACPC na gawing instrumento ng kaunlaran at pagkakapantay-pantay ang access to agricultural finance.
Sa tuloy-tuloy na pagtutulungan ng DA-ACPC, DBP, at iba pang katuwang na institusyon, naisusulong ang mas matatag, mas inklusibo, at mas luntiang kinabukasan para sa sektor ng agrikultura.
